Beurko BHIko ikaslea den Irune Ribera Mediavillak VII. CONFINT estatalean parte hartu du aurten Palentzian. Bertan hautatua izan da, eta horri esker, aukera izango du Europa mailako CONFINTean gure ikastetxea eta gure ingurua ordezkatzeko.
CONFINT (“Cuidemos el Planeta”) bi urtez behingo gazteen topaketa da, non Espainiako estatu osoko ikasleek ingurumenaren aldeko ekimenak partekatzen dituzte eta etorkizun jasangarriago baterako proposamenak adosten dituzte. Parte-hartze prozesu horren bidez, gazteen ahotsa eta lidergoa indartu nahi dira, tokiko ekintzak ikuspegi globalera eramanez.
Pozgarria da Irune bezalako gazte konprometituak gure artean izatea. Zorte on hurrengo etapetan, Irune, eta segi planeta zaintzeko bidean! 🌍✨